Zerbitzua euskaraz eskatzeko eskubidea badute herritarrek, baina Ertzaintzan «ezinezkoa» da eskubide hori beti bermatzea. Hori erantzun du Eusko Jaurlaritzako Segurtasun Sailak, Ordiziako (Gipuzkoa) tren geltokian izandako gorabeheraren ondoren. Bidaiari batzuek salatu zuten zaindari batzuek gaztelaniaz eginarazi ondoren ertzainak agertu zirela eta erdaraz egiteko esan zietela haiek ere. Kasuaren xehetasunik ez du eman Ertzaintzak, baina azaldu du beti euskaraz «lehen unetik» zerbitzu ematea «ezinezko» duela.

Renfeko tren eta geltokietan euskaraz ari direnek izandako arazoen salaketak ugaritzen doaz. Duela bi aste Ordizian gertatutakoak izan du jarraipena, eta Legorretan ere "hau Espainia da, eta egin gaztelaniaz" leloa bere egin dute treneko segurtasun zaindariek.