Ecoloxistas en Acción denuncia que a cidade deportiva do Celta está vertendo fecais sobre os mananciais das traídas de auga de Mos. Así, tras o aviso dun vecino da zona, membros da ONG inspeccionaron o perimetro nordeste que limita co monte de Tameiga, atopándose cunha tubería de gran diametro que sae soterrada da cidade deportiva, a altura da cuba de refugallos, “e verte a uns metros ladeira abaixo, coa boca da tubaxe ben agochada entre arbustos”. A zona de vertido desta tubería é xusto na ladeira do monte de Tameiga onde a poucos metros se atopan varios pozos de extracción das traídas de auga veciñais de Mos, “que abastecen a gran parte dos fogares das varias parroquias de Tameiga, Petelos e Sanguiñeda”.